Valga camiña pola igualdade

O alumnado de Formación Profesional tamén puido participar no proxecto coa súa profesora Yolanda de Fol que nos achegou o resultado do seu traballo: un mural con explicacións sobre mulleres galegas con datos biográficos e profesionais que os rapaces tiveron que explicarlles a outros grupos.

Os estudantes Miguel Romero, Sara García e Lara García entrevistaron a Eudosia Casal Senín para achegarnos máis sobre a súa experiencia emprendendo o seu negocio de hostelería como muller na súa época.

Martín Chenlo, Brais Seco, Pablo Miguéns e Anxo Devesa entrevistan a Dolores Castro Santos, que se adicou a costura. Unha muller feita a si mesma que defende que as mulleres poidan ser o que lles apeteza.

Samuel Rial Maneiro de 1º de Bacharelato preséntanos brevemente a exposición sobre as mulleres na ciencia que organizou o Departamento de Física e Química do IES de Valga en colaboración coa USC. Descubrimos quen é Andrea Ghez, a premio Nobel de Física, astrónoma que quería ser bailarina. https://drive.google.com/drive/folders/1Z3McdwxNuWNfd1LVjAxFux5rIRw4CiAc

O proxecta Donas de si preséntase en estreita colaboración co Comité de Igualdade do centro. As reunións que fixemos nos recreos axudaron a artellar parte das entrevistas e dos resultados. Tamén puidemos investigar sobre mulleres importantes ao longo da historia en distintnos ámbitos, mulleres pioneiras e donas de si. Recollemos algunha das súas verbas nas escaleiras do centro. Tamén creamos un photocall para festexar o día 8 de marzo onde "escondemos" mulleres moi coñecidas e outras non tanto de diversas disciplinas que os alumnos tiñan que recoñecer, localizar e investigar. Durante a semana do 8 de marzo os distintos grupos acudiron ao photocall a unir imaxe e nome das mulleres seleccionadas. Alumnado e profesorado participou moi animado no photocall localizando ás mulleres silenciadas detrás das imaxes. Posaron cos lemas empregados nesa semana ideados pola profesora de plástica, Mar Tejero.

Os rapaces do IES de Valga tiveron o placer de facerlle unha entrevista a algunhas das mulleres importantes da zona que, a pesar da época, puideron loitar por realizar os seus soños. Este traballo está inserto no proxecta DONAS DE SI en colaboración co programa IGUALA T da Consellería de Educación.

Lucía, Rosalía e José entrevistamos a Evangelina para achegarnos a unha muller que sabe o que é traballar duro para saír adiante. Rexentaba xunto co seu marido a froitaría que os dous abriron e obtivo o carné de conducir para poder realizar mellor as tarefas que o seu traballo lle esixía. A familia é o máis importante para esta muller valguesa.

Os alumnos do IES de Valga Saray Castiñeiras e Daniel Carreta entrevistaron a avoa de Daniel, prima da figura femenina máis coñecida do concello: A Bela Otero. Cóntanos como foi a súa infancia, cando obtivo o permiso de conducción e para que, cal é o seu recordo da súa prima e como ve a situación actual da muller. Unha entrevista con reflexións ben interesantes e dende logo, moi entretida.

As alumnas Ainhoa Rodríguez e Lucía Rey entrevistaron a Aurelia, muller que emprendeu dirixindo un negocio familiar, unha mercería. Presenta á entrevistada Tania Vila Grela cun texto de Alaba Manni de los Santos. Que tarde agradable pasamos coa entrevista a Aurelia!

Os alumnos Jacobo Saavedra Castromán, Roque Pacio Ferreirós, Mario Eitor Sumay e Iria Pérez Lajos entrevistaron a Amalia Milagros Souto Meniño, unha veciña valguesa de 82 anos adiantada ao seu tempo, moi activa. Aínda que só foi á escola ata os catorce anos, traballou nunha farmacia, foi concelleira e obtivo o carnet de conducir no ano 1978. Paga a pena escoitar a súa historia.